29 NOVEMBRO 2012
20:30
LIBRERIA BIBLOS DE LUGO
A Librería Biblos invitavos á primeira presentación dun libro que se fará no seu novo local, situado na Avenida de Ramón Ferreiro (Torres do Seminario), o xoves 29 de novembro, ás oito e media da tarde.
Presentarase a obra Tigres de ternura / Tender Tigers, do escritor lucense Claudio Rodríguez Fer, publicada pola Editorial Toxosoutos en edición bilingüe galego-inglés de Kathleen N. March. Intervirán no acto
o propio autor e a profesora norteamericana JoDee Anderson, da Facultade de Humanidades de Lugo.
Claudio Rodríguez Fer recibiu, hai agora trinta anos, o Premio da Crítica Española por Tigres de ternura, libro xuvenil, lúdico, erótico e vangardista que alcanzou tres anticonvencionais edicións manuscritas entre 1981 e 1983, ilustradas por Carmen Blanco. Agora preséntase en edición bilingüe galego-inglés feita pola catedrática e crítica norteamericana Kathleen N. March, con debuxos da ilustradora estadounidense Kimberleigh Martul-March.
Claudio Rodríguez Fer, traducido a numerosos idiomas, é autor de medio cento de obras como poeta, narrador, autor teatral e ensaísta. Exerce a docencia na Facultade de Humanidades de Lugo e é director da Cátedra Valente de Poesía e Estética da Universidade de Santiago. Foi profesor nas Universidades da Cidade de Nova York, de Bretaña Sur e da Alta Bretaña, onde foi investido este ano como Doutor Honoris Causa. Proximamente presentará Tigres de ternura / Tender Tigers en Nova York.
Presentación en Librería Biblos de Lugo:
Reseña en Praza Pública:
http://praza.com/cultura/2692/
Entrevista en TVG:
http://www.crtvg.es/crtvg/canl
