Na pequena aldea de Vixán danse cita unha selección de persoeiros lendarios. Reis como Breogán ou Alfonso X, cabaleiros como Carlomagno ou Roldán, soldados como Brutus, santos e virxes, demos, druídas e meigas, monstros mariños, sereas e serpes. Os nomes máis sinalados das lendas galegas teñen o seu papel nesta historia e o Comandante Pepe Regueiro, esculcado polas súas propias pantasmas, terá que se enfrontar a algún deles, axudado por outros, para salvar só a un. ¿Será quen de conseguilo?
