O Pleno municipal de Sant Andreu da Barca, en Cataluña, aprobou por unanimidade -e a proposta do grupo de goberno- o nomeamento de Xosé Lois García como fillo adoptivo da cidade, ademais de cronista honorífico. O nomeamento prodúcese "como recoñecemento público polos méritos adquiridos como escritor e polo seu labor en favor da cultura popular de Sant Andreu da Barca". Ten publicado en Toxosoutos diversos libros de creación, entre os que destacamos os seus últimos Poemas pornofálicos, así como numerosas edicións de outros autores (Antoloxía dos poetas galegos en Cuba, etc.)
